ABN-မေအိအိအောင်
ထိုင်းနိုင်ငံ ၊ ကန္ခ်နဘူရီ Muang ခရိုင်တွင် ရွှေ့ပြောင်းမြန်မာလုပ်သား မူဆလင် ၉၆ ဦးကို တရားမဝင် ဝင်ရောက်မှုဖြင့် ထိုင်းအာဏာပိုင်များကဖမ်းဆီးခဲ့သည်။
ပြီးခဲ့သည့် ဧပြီလ ၆ ရက်နေ့ အစောပိုင်းတွင် မလေးရှားသို့သွားမည့် မူဆလင် ၉၆ ဦး ထိုင်းနိုင်ငံအတွင်းသို့ တရားမဝင်နည်းလမ်းဖြင့် ဝင်လာသည့် သတင်းများအရ ထိုင်းရဲများက စောင့်ဆိုင်းဖမ်းဆီးခဲ့ခြင်းဖြစ်သည်။
ဖမ်းဆီးခံရသူများမှာ ထိုင်းနိုင်ငံ၊ ဆုန်ခလာဘူရီခရိုင်မှတစ်ဆင့် မလေးရှားသွားရန် လာကြခြင်းဖြစ်ပြီး ကန်ချနဘူရီ အရောက်တွင် ဖမ်းဆီးခံရခြင်းဖြစ်သည်။
ဖမ်းဆီးခံရသူထဲတွင် မူဆလင် အမျိုးသား ၇၆ ဦးနှင့် အမျိုးသမီး ၂၀ ပါဝင်ပြီး ကား ၅ စီးဖြင့် စီးနင်းလိုက်ပါလာကြကာ ပွဲစားခ တစ်ယောက်လျှင် ဘတ် ၁၂၀၀၀၀ စီပေးရကြောင်းသိရသည်။
ယင်း မူဆလင်များကို တင်လာသည့် ကား ၅ စီးမှယာဉ်မောင်းများမှာ ထိုင်းနိုင်ငံသားများဖြစ်ကြပြီး ၎င်းတို့ထဲမှ ၄ ဦးကို စုံစမ်းစစ်ဆေးရန် Muang ခရိုင် ရဲစခန်းသို့ ခေါ်ဆောင်သွားကြောင်းသိရသည်။
လက်ရှိတွင် ဖမ်းဆီးထားသည့် မူဆလင်များကို တရားမဝင် ဝင်ရောက်မှုဖြင့်စွဲချက်တင်ထားပြီး ထိုသူတို့အား လူကုန်ကူးဂိုဏ်းများ၏ သားကောင်များ ဟုတ်မဟုတ် စစ်ဆေးမေးမြန်ရန် လူမှုဖုံလုံရေးနှင့် လူသားလုံခြုံရေး အရာရှိများကို ဖိတ်ခေါ်ထားကြောင်းသိရသည်။
ယမန်နေ့ ဧပြီ ၄ ရက်နေ့တွင်လည်း ထိုင်းနိုင်ငံ၊ ဆုန်ခလာခရိုင် ဟတ်ယိုင်သို့ တရားမဝင်နည်းဖြင့် သွားသည့် မူဆလင် ၈၆ ဦးနှင့် ယာဉ်မောင်း ၄ ဦးကို ထိုင်းအာဏာပိုင်များကဖမ်းဆီးခဲ့သည်။
Source-Bangkok Post