ABN-မေအိအိအောင်
ထိုင်းနိုင်ငံတွင် ပြစ်ဒဏ်ကျနေသည့် မြန်မာနိုင်ငံသား ၁၃၂ ဦး ကို ယမန်နေ့မတ်လ ၁၇ ရက်နေ့က နေရပ်ပြန်ပို့ကြောင်းသိရသည်။
၂၀၂၃ ခုနှစ် ၊ မတ်လ ၁၇ ရက်နေ့ နေ့လယ်ပိုင်းတွင် ထိုင်းနိုင်ငံ၌ အကြောင်းအမျိုးမျိုးကြောင့် ပြစ်ဒဏ်ကျခံနေရသည့် မြန်မာရွှေ့ပြောင်းလုပ်သား ၁၃၂ ဦး ပြန်လွတ်မြောက်လာပြီး နေရပ်ပြန်ပို့ခဲ့ကြောင်းသိရသည်။
လွတ််မြောက်လာသူများတွင် အမျိုးသမီး ၃၃ ဦးနှင့် အမျိုးသား ၉၉ ပါဝင်ပြီး ၎င်းတို့ကို ထိုင်းနိုင်ငံ၊ ရနောင်းမြို့မှ စက်လှေဖြင့် ကော့သောင်းဖက်သို့ ပို့ခဲ့ခြင်းဖြစ်သည်။
နေရပ်ပြန် မြန်မာနိုင်ငံသားများကို ကော့သောင်း ဒေသအာဏာပိုင်များက ကိုဗစ်-စစ်ဆေးခြင်းများ၊ ကိုယ်ရေးအချက်အလက်စစ်ဆေးမှုများနှင့် အသိပညာပေးမှုများပြုလုပ်ရန် စီစဉ်ထားကြောင်းသိရသည်။
ပြီးခဲ့သည့် ဖေဖော်ဝါရီ ၂ ရက်နေ့ကလည်း လွတ်ရက်စေ့ မြန်မာနိုင်ငံသား ၂၀၀ ကျော်ကို နေရပ်ပြန်ပို့ခဲ့သည်
