PDF ရဲဘော် တစ်ဦးကို ဖမ်းဆီးပြီး စစ်ကောင်စီတပ်သားများ အုပ်စုလိုက် အနိုင်ကျင့် နှိပ်စက်နေသည့် ရုပ်သံတစ်ခု လူမှုကွန်ယက်ပေါ်တွင် ထွက်ပေါ်လာခဲ့သည်။

ရုပ်သံတွင် စစ်ကောင်စီတပ်သားများ၏ ဖမ်းဆီးနှိပ်စက်ခံနေရသည့် DPF ရဲဘော်၏ အမည်မှာ နိုင်ဝင်းမြင့်ဖြစ်ပြီး အသက် ၁၉ နှစ်ရှိပြီး ဖြစ်ကြောင်း CDF-KKG တပ်ဖွဲ့ ထုတ်ပြန်ချက်အရ သိရသည်။

ထိုရုပ်သံဗီဒီယိုဖိုင်များမှာ စစ်ကောင်စီတပ်သားများမှ CDF-KKG တပ်ဖွဲ့သိမ်းဆည်းရထားသော ဖုန်းတွင် တွေ့ရှိခဲ့ခြင်း ဖြစ်ကြောင်း သိရသည်။

ရုပ်သံဖိုင်တွင် PDF ရဲဘော်အား မြန်မာတပ်မတော် စစ်သားများ အုပ်စုလိုက် ဝိုင်းပြီး နှိပ်စက်ထားသောကြောင့် မျက်လုံး ၂ ဖက်လုံးမှ သွေးများ ယိုစီးနေပြီး မျက်လုံးများမှာလည်း ရောင်ရမ်းနေသည်ကို တွေ့ရသည်။

ထို့အပြင် နှာခေါင်းမှ သွေးများမှာလည်း စီးဆင်းနေပြီး မျက်နှာနှင့် နားထင်များမှာလည်း ရောင်ရမ်းနေသည်ကို တွေ့ရသည်။

၎င်းအပြင် ထို PDF ရဲဘော်အား “မေမေလာကယ်ပါ၊ အရေးတော်ပုံကျရှုံးရမည်” ဟု ဝိုင်းရိုက်နှိပ်စက်နေသည့် စစ်ကောင်စီတပ်သားများကို အတင်းအဓမ္မ ဆိုခိုင်းနေသည်ကိုလည်း တွေ့ရသည်။

ရုပ်သံဖိုင်မှာ လူအများကြည့်ရှုရန် မသင့်​တော်သည့်အတွက် ABN သတင်းဌာနမှ ထိုရုပ်သံအား ထုတ်လွှင့်ခြင်း မလုပ်ခြင်းဖြစ်သည်။