သတင်းမီဒီယာ - ရခိုင် ၊ အာရကန် ၊ အာရက္ခ

Generic selectors
Exact matches only
Search in title
Search in content
Post Type Selectors
လွိုင်ကော်မြို့ကို အကြမ်းဖက်စစ်ကောင်စီ လေကြောင်း၊ လက်နက်ကြီးဖြင့် ပစ်ခတ်တိုက်ခိုက်၊အရပ်သား ၅ဦး သေဆုံး

AB News – ဧပြီ ၅ ၊၂၀၂၅

ကရင်နီပြည်၊ လွိုင်ကော်မြို့နှင့် မိုးဗြဲမြို့ကြားရှိ ပီကင်းကောခူးကျေးရွာကို အကြမ်းဖက်စစ်ကောင်စီအဖွဲ့မှ လေကြောင်း၊ လက်နက်ကြီးများဖြင့် တိုက်ခိုက်ခဲ့ရာ ပြည်သူ ၅ ဦးသေဆုံးခဲ့သည်ဟု သိရသည်။

ယမန်နေ့ ဧပြီလ ၄ ရက်၊ နံနက် ၁၁ နာရီခွဲခန့်က မိုးဗြဲမြို့ရှိ စစ်ကောင်စီ အခြေစိုက် ခမရ ၄၂၂ တပ်ရင်းမှ လွိုင်ကော်မြို့နယ် ၊ ပီကင်းကောခူကျေးရွာကို တိုက်ပွဲဖြစ်ပွားခြင်းမရှိဘဲ လက်နက်ကြီးများဖြင့် ပစ်ခတ်တိုက်ခိုက်ခဲ့ရာ လက်နက်ကြီးအစ ထိမှန်ပြီး အမျိုးသား ၁ဦး သေဆုံးခဲ့ကြောင်း သိရှိရသည်။

အလားတူ ယမန်နေ့ နေ့လယ် ၂ နာရီကျော်အချိန်တွင်လည်း အကြမ်းဖက် စစ်ကောင်စီမှ လွိုင်ကော်မြို့နယ်၊ ပီကင်းကောခူကျေးရွာကို တိုက်လေယာဉ်ဖြင့် ဗုံး ၂ လုံး ကြဲချတိုက်ခိုက်ခဲ့သောကြောင့် ဒေသခံ ၄ ဦး ကျဉ်စထိမှန်ပြီး သေဆုံးခဲ့သည်ဟု သိရသည်။

အဆိုပါဗုံးကြဲတိုက်ခိုက်မှုအတွင်း ကျေးရွာတွင်းမှ နေအိမ်များ ထိမှန်ပျက်စီးခဲ့ပြီး ပြည်သူအချို့ ဒဏ်ရာပြင်းထန်စွား ရရှိခဲ့သည်။

ပြီးခဲ့သည့် ဧပြီလ ၂ရက်နေ့က အကြမ်းဖက် စစ်ကောင်စီသည် နိုင်ငံအတွင်း ငလျင်ကပ်ဘေးဆိုက်နေချိန် ရက်၂ဝ ကြာ ယာယီ အပစ်အခတ်ရပ်စဲသွားဟု ထုတ်ပြန်ထားသော်လည်း အရပ်သားပြည်သူများ နေထိုင်သည့် မြို့၊ ရွာများကို နေ့စဉ်ရက်ဆက် ဗုံးကြဲတိုက်ခိုက်နေသည်ကို တွေ့ရှိရသည်။

ထင်မြင်ယူဆချက်‌‌ပေးရန်

ဆက်စပ်သတင်းများ