ABN-မေအိအိအောင်

ရန်ကုန်၊ ရွှေပြည်သာမြို့နယ်ရှိ ဝါးတစ်ရာစက်မူဇုန်အတွင်း တရုတ်ပိုင် အထည်ချုပ်စက်ရုံ ၂ ရုံပိတ်သိမ်းလိုက်ပြီး စက်ရုံရှိ အလုပ်သမား ထောင်ချီ အလုပ်လက်မဲ့ဖြစ်နေကြာင်း သိရသည်။

အဆိုပါ စက်ရုံ ၂ ရုံမှာ တရုတ်နိုင်ငံသားများပိုင်ဆိုင်ပြီး အိုင်ယာလန်နိုင်ငံ ဒဗ္ဗလင်မြို့အခြေစိုက် နာမည်ကျော်ဖက်ရှင် အသုံးအဆောင်များထုတ်လုပ်သည့် Primark Brand အားချုပ်လုပ်သည့်စက်ရုံများဖြစ်ကြောင်းသိရသည်။

အဆိုပါ စက်ရုံ ၂ ရုံမှာ တရုတ်နိုင်ငံသားပိုင် GTIG Huasheng စက်ရုံ နှင့် Primseng Guo စက်ရုံတို့ ဖြစ်ကြောင်းသတင်းတွင် ဖော်ပြသည်။

၎င်း အထည်ချုပ်စက်ရုံမှာ လုပ်သမားများအား ကြိုတင်အကြောင်းကြားခြင်းမရှိဘဲ ပိတ်သိမ်းမည့်ရက်ပိုင်းအလိုတွင်သာ ဝန်ထမ်းများအားအသိပေးပြီး အော်ဒါ အကြောင်းပြကာ ပိတ်သိမ်းလိုက်ကြောင်း ဗမာပြည်သတင်းတွင်ဖော်ပြသည်။

သို့သော် Primseng Guo စက်ရုံ နှင့် ဝန်ထမ်းများအကြား သဘောတူညီချက် ၂ ခုမှာ GY Sen စက်ရုံမှ အလုပ်သမားသစ်ခေါ်လျင် Primseng Guo မှအလုပ်သမားများကို ဦးစားပေးခေါ်ရန်နှင့် အခြားနာမည်အသစ်ဖြင့် စက်ရုံပြန်လည်ဖွင့်လျှင်လည်း ၎င်းဝန်ထမ်းများကိုသာ ခေါ်မည်ဖြစ်ကြောင်း သိရသည်။

ယင်းအပြင် အဆိုပါစက်ရုံမှ စက်ရုံဝန်ထမ်းများအားနစ်နာကြေးပေးမည်ဟု အသ်ိပေးထားခဲ့ကြောင်းလည်းသိရသည်။