သတင်းမီဒီယာ - ရခိုင် ၊ အာရကန် ၊ အာရက္ခ

Generic selectors
Exact matches only
Search in title
Search in content
Post Type Selectors
ရက္ခိုင်တွင် ကွမ်းသီးစျေးနှုန်း ၅ သိန်းခွဲအထိ မြင့်တက်နေ

AB News – ဧပြီ ၅၊ ၂၀၂၅

ရက္ခိုင်ပြည် ၊မြောက်ပိုင်းတွင် ဒေသထွက် ကွမ်းသီးစျေးနှုန်းများ အဆမတန် မြင့်တက်လာနေလာသည်ဟု ကွမ်းသီးကုန်သည်က ဆိုကြသည်။

လက်ရှိတွင် ကွမ်းသီးတစ်မောင်း( ၂၅ ပိဿာ) ကို ၅ သိန်း ၅ သောင်းကျပ်အထိ စျေးရနေသည်ဟု မြောက်ဦးမြို့နယ် မှ ကွမ်းသီး​စိုက်ပျိုးသူ တစ်ဦးက AB News သို့ ပြောသည်။

“ကွမ်းသီး ၂၅ ပိဿာပါရှိတဲ့ ကွမ်းသီးခြောက်အိတ် တစ်အိတ်ကို ၅ သိန်း ၅ သောင်းအထိ စျေးတက်နေတယ်။ ဒီနှစ်လောက် စျေးတက်တာ တစ်နှစ်မှ မရှိသေးဘူး။ ယခုနှစ်လို ကွမ်းသီးစျေးတွေ နှစ်စဥ်နှစ်တိုင်း စျေးတက်နေရင် ကျွန်တော့တို့လို ကွမ်းသီးခင်းစိုက်ပြီး လုပ်ကိုင်စားသောက်နေကြရသူတွေအတွက် စားဝတ်နေရေးတွေ ပိုအဆင်ပြေတာပေါ့” ဟု ၎င်းက ပြောသည်။

ရက္ခိုင်တွင် တကျော့ပြန်တိုက်ပွဲကြောင့် စစ်ကောင်စီက ကုန်းလမ်း၊ ရေလမ်းများကို ပိတ်ဆို့ထားခဲ့သည့်အတွက် သိုလှောင်ထားသော ကွမ်းသီးများမှာ စျေးကွက်ထဲ မရောက်နိုင်ဘဲ အောက်ဆုံးထိ စျေးထိုးကျခဲ့သဖြင့် ကွမ်းသီးလုပ်ငန်းရှင်များ အရှုံးပေါ်ခဲ့သည်ဟု သိရသည်။

ယခုနှစ်အတွင်း ကွမ်းသီးဈေးနှုန်းမြင့်တက်နေခြင်းမှာ ပြည်မဘက်မှ ကွမ်းသီးများ ဝင်ရောက်တင်ပို့ခြင်း မရှိသည့်အတွက် ဒေသထွက် ကွမ်းသီးတစ်ခုတည်းကိုသာ ဝယ်ယူစားသုံးနေကြသောကြောင့် ကွမ်းသီးဈေးမြင့်တက်ရခြင်းဖြစ်သည်ဟု သိရသည်။

ရက္ခိုင်ပြည်ထွက် ကွမ်းသီးများကို ဘင်္ဂလားဒေ့ရှ်နိုင်ငံနှင့် အိန္ဒိနိုင်ငံသို့ လွတ်လပ်စွာ တင်ပို့ခွင့်ရရှိပါက ကွမ်းသီးစိုက်ခင်းပိုင်ရှင်များ စားဝတ်နေရေး ပိုမို အဆင်ပြေလာနိုင်ကြောင်း ဒေသခံများက ဆိုကြသည်။

ထင်မြင်ယူဆချက်‌‌ပေးရန်

ဆက်စပ်သတင်းများ
မောင်တောတွင် ARSA တပ်ဖွဲ့ဝင်များက ခြုံခိုပစ်ခတ်တိုက်ခိုက်ခဲ့သောကြောင့် ကားပေါ်တွင်ပါလာသော စေတနာ့ဝန်ထမ်း အမျိုးသမီး၊ စျေးဝယ်အမျိုးသမီး စုစုပေါင်း (၁၆)ဦးထဲမှ တစ်ဦးသေဆုံးပြီး အများအပြား ဒဏ်ရာရရှိ