ABN-ရှိုင်းမိုး
ယမန်နေ့ ညပိုင်းက ကရင်ပြည်နယ်၊ မြ၀တီမြို့နယ်၊ မဲကနယ်ရွာအနီး ကျောက်တောင်ဘက်သို့ စစ်တပ်က အတွဲ လိုက်ဒုံးများ၊ လက်နက်ကြီးများဖြင့် ဆက်တိုက်ပစ်ခတ်ခဲ့ကြောင်း ဒေသတွင်းသတင်းများအရ သိရသည်။
ဧပြီလ ၂၈ ရက်နေ့ ည ၁၀ နာရီ ၃၀ မိနစ်အချိန်မှစတင်၍ တိုက်ပွဲဖြစ်ပွားခြင်းမရှိဘဲ စစ်ကောင်စီတပ်က အတွဲလိုက်ဒုံးများ၊ လက်နက်ကြီးများဖြင့် စစ်ရေးတင်းမာနေသော ဒေသကို ဦးတည်၍ တိုက်ခိုက်ခြင်းဖြစ်ကြောင်း သိရသည်။
အကြမ်းဖက်စစ်ကောင်စီက ကော်ဘရာစစ်ကြောင်းနှင့် တော်လှန်ရေးမဟာမိတ်တပ်များ အခြေစိုက် ထားသော KNU တပ်မဟာ ၆ နယ်မြေ ကျောက်တောင်ဒေသကို ထိုးဖောက်ဝင်ပြီး၊ နယ်မြေကျူးကျော်ရန် ကြိုးစားလျက်ရှိသော်လည်း အောင်မြင်နိုင်ခြင်း မရှိဘဲ သေဆုံးမှုများစွာဖြင့် ထိုးစစ်ဆင်လာသော စစ်တပ်များ၏ ဖွဲ့စည်းပုံ ပျက်စီးသည်အထိ သေဆုံးမှုများ ရှိနေကြောင်း PDF သတင်းရင်းမြစ်များထံမှ သိရှိရသည်။