သတင်းမီဒီယာ - ရခိုင် ၊ အာရကန် ၊ အာရက္ခ

Generic selectors
Exact matches only
Search in title
Search in content
Post Type Selectors
မင်းပြားတွင် ယာဉ်တိုက်မှုကြောင့် အမျိုးသား ၁ ဦး ပွဲချင်းပြီး သေဆုံး

AB News – ဧပြီ ၃ ၊ ၂၀၂၅

မင်းပြားမြို့တွင် ဆိုင်ကယ်တိုက်မှုဖြစ်ပွား၍ အမျိုးသား ၁ ဦး ပွဲချင်းပြီး သေဆုံးခဲ့သည် ဟု AB News မှ စုံးစမ်းသိရှိရ ရသည်။

သေဆုံးသွားသူ အမျိုးသားမှာ မင်းပြားမြို့၊ အောင်သာယာ ရပ်ကွက်မှ အသက် ၃၄ နှစ်အရွယ် ဦးစိုးမြင့်ဌေး ဖြစ်ပြီး ၎င်းမှာ ရေခဲချာင်း ရောင်း၍ လုပ်ကိုင် စားသောက်နေသူ ဖြစ်ကြောင်း သိရှိရသည်။

ယမန်နေ့ ဧပြီလ ၂ ရက်၊ နေ့လယ် ၃ နာရီခွဲခန့်အချိန်တွင် ဦးစိုးမြင့်ဌေးသည် မင်းပြားမြို့နယ်၊ ကမ်းနီရွာဘက်မှ ရေခဲချောင်းရောင်း၍ မင်းပြားမြို့သို့ ပြန်လာစဉ် ခွဆုံရွာအနီးတွင် မင်းပြားမြို့ဘက်မှ မောင်းလာသော ဆိုင်ကယ်နှင့် တိုက်မိခဲ့ခြင်းဖြစ်သည်ဟု မြို့ခံ ၁ ဦး က AB News သို့ ပြောကြားသည်။

‘’ဦးစိုးမြင့်ဌေးက ကမ်းနီရွာဖက်က ရေခဲချောင်းရောင်းပြီး ပြန်လာတာ ခွဆုံရွာအနားရောက်တော့ ဆိုင်ကယ် တစ်စီးနဲ့ တိုက်မိတယ်။ ဒဏ်ရာအပြင်းထန်းရပြီး ပွဲချင်းပြီးသေဆုံးသွားတယ်။ အခု ခဏခဏ ယာဉ်တိုက်မှုတွေ ဖြစ်တယ် ။ အထူးသဖြင့် ကျွန်တော့တို့ မင်းပြားမှာ မကြာခဏ ဆိုသလို ယာဥ်တိုက်မှုတွေ ဖြစ်လေ့ရှိပါတယ်” ဟု ဆိုသည်။

အဆိုပါ ဆိုင်ကယ်တိုက်မှုကြောင့် ဦးစိုးမြင့်ဌေးမှာ ဒဏ်ရာအပြင်းထန်ရရှိခဲ့ပြီး ပွဲချင်းပြီးသေဆုံးသွားခဲ့ကာ တဖက်ဆိုင်ကယ်မှ ဦးဇော်မင်းဦးနှင့် ဒေါ်ခင်လှသိန်းတို့မှာလည်း ထိခိုက် ဒဏ်ရာရရှိသွားခဲ့သည်ဟု သိရသည်။

ယင်းအပြင် မင်းပြားတွင် ယာဥ်တိုက်မှုများ မကြာခဏ ဖြစ်ပွားနေသည့်အတွက် အာရက္ခတပ်တော်မှ ဆိုင်ကယ်မောင်းနှင်သူများအား အမြန်မမောင်းရန်၊ ဂရုစိုက် မောင်းနှင်ကြရန်နှင့် ကြီးကြပ် ထိန်းသိမ်းပေးရန် လိုအပ်ကြောင်း မင်းပြားမြို့မှ ကိုစိုးနိုင်က AB News သို့ ပြောသည်။

လက်ရှိတွင် တဖက်ဆိုင်ကယ်၌မောင်းလာသည့် ဦးဇော်မင်းဦးအား အာရက္ခပြည်သူ့တော်လှန်ရေးအစိုးရ၏ တရားဥပဒေစိုးမိုးရေးနှင့် ပြည်သူ့လုံခြုံရေးဌာန (DLEPS)မှ တရားဥပဒေလုပ်ထုံးလုပ်နည်းအတိုင်း အရေးယူ ဆောင်ရွက်သွားမည်ဖြစ်သည်ဟု သိရသည်။

ပြီးခဲ့သည့် မတ်လ ၃၁ ရက်နေ့ကလည်း မင်းပြားမြို့တွင် ယာဉ်တိုက်မှုတစ်ခုဖြစ်ပွား၍ သက်ကြီးပိုင်း အမျိုးသမီး ၁ ဦးသေဆုံးခဲ့သည်ကို တွေ့ရှိရသည်။

ထင်မြင်ယူဆချက်‌‌ပေးရန်

ဆက်စပ်သတင်းများ