AB News -ဧပြီ ၂ ၊ ၂၀၂၅
ရက္ခိုင်ပြည်၊ မင်းပြားမြို့တွင် ဆိုင်ကယ်တိုက်မှုဖြစ်ပွား၍ သက်ကြီးပိုင်းအမျိုးသမီး ၁ဦးသေဆုံးခဲ့သည်ဟု AB News စုံးစမ်းသိရှိရသည်။
သေဆုံးသွားသူအမျိုးသမီးမှာ မင်းပြားမြို့၊ မြို့သစ်ရပ်ကွက်၊ ဘာခံရပ်မှ အသက် ၆၄ နှစ်အရွယ် ဒေါ်သိန်းတန်ဖြူ ဖြစ်သည်။
မတ်လ ၃၁ ရက်နေ့ ည ၇နာရီလောက်က မင်းပြားမြို့၊ ကင်းဆိပ်ရပ်ကွက် မှ ကိုနိုင်လင်းထွန်းသည် ဆိုင်ကယ်ဖြင့် မြို့ထဲမှ ကွမ်းယာဝယ်ပြီး ပြန်လာစဉ် ဘာခံရပ်အရောက်တွင် လမ်းဖြတ်ကူးနေသည့် ဒေါ်သိန်းတန်ဖြူအား ဝင်တိုက်မိခဲ့ခြင်းဖြစ်သည်ဟု မြို့ ခံ ၁ ဦးက AB News သို့ ပြောသည်။
‘’ကိုနိုင်လင်းထွန်းက ဆိုင်ကယ်နဲ့မြို့ထဲ အလာမှာ ဘာခံရပ်နားရောက်တော့ လမ်းဖြတ်ကူးနေတဲ့ ဒေါ်သိန်းတန်ဖြူကို တိုက်မိသွားတယ်။ သူက အမြန်မောင်းလာတော့ လူကို တည့်တည့်ဝင်တိုက်သွားတယ်’’ ဟု ၎င်းက ပြောသည်။
အဆိုပါဆိုင်ကယ်တိုက်မှုကြောင့် ဒေါ်သိန်းတန်ဖြူ၏ ဘယ်ဖက်ပါးနှင့် ခေါင်းနောက်စိတို့တွင် ဒဏ်ရာအပြင်းအထန်ရရှိသွားခဲ့ကာ အရေးပေါ်ဆေးကုသမှုခံယူနေချိန် ယမန်နေ့ ဧပြီလ ၁ ရက်နေ့ နံနက်စောစော ၃ နာရီလောက်မှာ သေဆုံးခဲ့သည်ဟု သိရသည်။
ထိုဖြစ်စဥ်နှင့်ပတ်သက်ပြီး ဆိုင်ကယ်မောင်းသူ ကိုနိုင်လင်းထွန်းအား အာရက္ခပြည်သူ့တော်လှန်ရေးအစိုး၏ တရားဥပဒေစိုးမိုးရေးနှင့် ပြည်သူ့လုံခြုံရေးဌာန( DLEPS) မှ တရားဥပဒေ လုပ်ထုံးလုပ်နည်းအတိုင်း အရေးယူဆောင်ရွက်ထားကြောင်း သိရှိရသည်။