ABNews – နိုဝင်ဘာ ၁၆ ၊ ၂၀၂၅
ဂျူလိုင်
မကွေးတိုင်းဒေသကြီး၊ ပေါက်မြို့နယ်အတွင်းသို့ စစ်ကြောင်းထိုးလာသော အကြမ်းဖက် စစ်ကော်မရှင်စစ်ကြောင်းကို ဒေသခံ ပြည်သူတော်လှန်ရေးတပ်ဖွဲ့များ ၂ ကြိမ်တိုင် ကြားဖြတ်တိုက်ခဲ့ခြင်းကြောင့် စကမတပ်သား ၁၇ ဦးသေဆုံးပြီး လက်နက်ခဲယမ်းအများအပြား သိမ်းဆည်းရမိကြောင်း ဒေသခံ ပြည့်သူ့တော်လှန်ရေးတပ်ဖွဲ့များမှတဆင့် သိရသည်။
ပြီးခဲ့သည့် အောက်တိုဘာလ ၃၀ ရက်နေ့မှစ၍ ပေါက် ကပစ ၂၂ မှတဆင့် တမ ၉၉ လက်အောက်ခံ ခမရ ၁၄၊ ၁၉၊ ၁၀၉ တို့မှ တပ်သားအင်အား ၄၀၀ ခန့်ပါဝင်သော အကြမ်းစစ်ကော်မရှင်စစ်ကြောင်းကို ဒေသခံ ပြည်သူ့တော်လှန်ရေးတပ်ဖွဲ့များက နိုဝင်ဘာလ ၃ ရက်နေ့တွင် တစ်ကြိမ် ၊ နိုဝင်ဘာလ ၅ ရက်နေ့တွင် တစ်ကြိမ် ကြားဖြတ်တိုက်ခိုက်ခဲ့ကြောင်း ဆိုသည်။
ပြီးခဲ့သည့် နိုဝင်ဘာလ ၃ ရက်နေ့တွင် ပေါက်မြို့နယ် ၊ ကျောက်ကာကျေးရွာအနီး အင်အား ၁၅၀ ဖြင့် စစ်ကြောင်းထိုးလာသော စကမ တပ်ကို ပြည်သူ့တော်လှန်ရေးတပ်များ ကြားဖြတ်တိုက်ခိုက်ခဲ့ခြင်းကြောင်း စကမတပ်သား ၁၀ ဦးကျော် သေဆုံးပြီး ၁၀ ကျော် ဒဏ်ရာရရှိသွားကြောင်း သိရသည်။
သေဆုံးခဲ့သော တပ်သားအလောင်းများအား စွန့်ပစ်ထားခဲ့ပြီး ဒဏ်ရရှိသူများကို ခေါ်ဆောင်ကာ ပင်တောင်ပျူရွာဘက်သို့ ဆုတ်ခွာသွားကြောင်း သိရသည်။
၎င်းစစ်ဆင်ရေးကို ပေါက်မြို့နယ် ဒေသကာကွယ်ရေးတပ်ဖွဲ့ ပကဖ နှင့် MGY PDF တို့မှ ပူးပေါင်းတိုက်ခိုက်ခဲ့ကြောင်း သိရသည်။
အလားတူ နိုဝင်ဘာလ ၅ ရက်နေ့ကလည်း ပေါက်မြို့နယ် ၊ သီးချောက်ရွာ အရှေ့ဘက်သို့ အင်အား ၁၃၀ ခန့်ဖြင့် စစ်ကြောင်းထိုးလာသည့် စစ်ကြောင်းကို ယောချောင်းအရောက်မှာ ဒေသခံပြည်သူ့တော်လှန်ရေးတပ်ဖွဲများ တိုက်ခိုက်ခဲ့ရာ စကမတပ်သား အလောင်း ၇ လောင်းနှင့် လက်နက်ခဲယမ်းများသိမ်းပိုက်ရရှိခဲ့ကြောင်း သိရသည်။
ယင်းတိုက်ပွဲအတွင်း စကမတပ်မှ MA 1၂ လက် ၊ MA2 ၁ လက်၊ MA3 ၁ လက်၊ ကာဗိုင်သေနတ် ၁ လက်၊ MA ဘောက်ဝိုင်း ၃ ခု၊ MA ဘောက် ၁၉ ခု၊ ကျည်အမျိုးမျိုး ၁၅၀၀ ခန့်၊ 60 mm ၅ ဖူး၊ RPG ၇ ဖူး၊ အီနာဂါ ၁၀ ဖူး၊ တိုက်မိုင်း ၆ လုံး၊ နင်းမိုင်း ၅ လုံး၊ စလစ်မိုင်း ၅ လုံး၊ လက်ပစ် ၆ လုံး၊ ဆက်သွယ်ရေးစက်အကြီး ၁ လုံး ( စကားပြောစက် ၂ ခု) ၊ ကွန်ပျူတာ ၁ လုံး၊ Bluetooth box ၁ လုံး၊ ရေချိုင့် ၂ လုံး၊ ဓား ၃ လက်၊ ဖုန်း ၂ လုံး၊ စစ်သုံးကျောပိုးအိတ် ၁၃ လုံး၊ ခေါက်ဆိုလာ ၂ ခု၊ မီးကြိုးခွေ ၃ ခု၊ ပါဝါဘတ် ၁ လုံးအပါဝင် စစ်အသုံးဆောင်းပစ္စည်းများ သိမ်းဆည်းရမိခဲ့သည်။
၎င်းစစ်ဆင်ရေးကို ပေါက် မြို့နယ် ပြည်သူ့ကာကွယ်ရေးတပ်ဖွဲ့ ပကဖ နှင့် ပေါက် – ဆိပ်ဖြူတပ်ရင်းစုဖွဲ့များမှ ပူးပေါင်းဆောင်းရွက်ခဲ့ကြောင်း ဖော်ပြထားသည်။