နှစ်ဖက်တိုက်ပွဲ ဖြစ်ပွားခြင်းမရှိဘဲ MNDAA ၏ အထူး ဒေသခံ (၁) ခံတပ်ကို စစ်ကောင်စီ ရဟတ်ယာဥ်ဖြင့် ယနေ့ ဒီဇင်ဘာ ၂၈ ရက် ညအချိန် ၁ နာ ၁၀ မိနစ်အချိန်က လာရောက်၍ ဗုံးကြဲတိုက်ခိုက်ခဲ့ကြောင်း MNDAA ထုတ်ပြန်ချက်အရ သိရသည်။
ထိုသို့ လာရောက်တိုက်ခိုက်မှုကြောင့် MNDAA မှ ရဲဘော် ၁ ဦးကျဆုံးခဲ့ရပြီး ၅ ဦး ဒဏ်ရာရခဲ့ကြောင်း ထုတ်ပြန်ချက်တွင်ပါရှိသည်။
ထိုသို့ ဗုံးကြဲတိုက်ခိုက်စဥ် စစ်ကောင်စီက SU-30 တိုက်လေယာဥ်ဖြင့် ဗုံး ၁၀ လုံးကြဲချခဲ့ပြီး၊ နှစ်ကြိမ် လာရောက် တိုက်ခိုက်ခဲ့ခြင်းဖြစ်ကြောင်းဆိုသည်။
MNDAA ကို စစ်ကောင်စီက ယခင်တိုက်ပွဲများအတွင်း ရှုံးနိမ့်ခဲ့၍ လက်စားချေရန် လာရောက်တိုက်ခိုက်ခြင်းဖြစ်ကြောင်း MNDAA က ပြောသည်။
MNDAA နှင့် စစ်ကောင်စီတပ်တို့အကြား ပြီးခဲ့သည့် နိုဝင်ဘာလနှင့် ယခု ဒီဇင်ဘာလ ၂၁ ၊ ၂၃ နှစ်ရက်တိုက်ပွဲများအတွင်း စစ်ကောင်စီတပ်သား ၇၀ ကျော်ကျဆုံးခဲ့မှုဖြစ်ခဲ့သည်။
ဓာတ်ပုံ-The Kokang
