( စစ်ကောင်စီ၏ စခန်း ၂ ခုနှင့် စစ်ကား ၄ စီးအား TNLA သိမ်းဆည်းထား)
AB News – နိုဝင်ဘာ ၅ ရက်
တအာင်းပြည်တွင် TNLA နှင့် စစ်ကောင်စီတို့ ၂ ဖက်တိုက်ပွဲပြင်းထန်နေပြီး စစ်ကောင်စီဖက်မှ စခန်း ၂ခု နှင့် စစ်ကား ၄ စီးအား TNLAက သိမ်းဆည်းထားကြောင်း ထုတ်ပြန်သည်။
ယနေ့ နံနက် ၆နာရီတွင် သိမ်းပိုက်ရရှိသည့် စခန်းများမှာ ( ၁) တအာင်းပြည်နယ်၊ တပ်မဟာ (၃)စစ်ဒေသ၊ နမ့်ခမ်းမြို့နယ်၊ မိုင်းဝီးကျေးရွာအုပ်စုရှိ စစ်ကောင်စီ၏ မန်ဝင်တပ်စခန်း နှင့် တပ်မဟာ(၄) စစ်ဒေသ၊ နမ္မတူမြို့နယ်၊ ပန်သပြေကျေးရွာရှိ စစ်ကောင်စီ၏ တပ်စခန်း တို့ဖြစ်ကြသည်။
ထို့အပြင် လားရှိုးနှင့် သိန္နီကြား (၁၄ မိုင် နှင့် ၁၅မိုင်)ကြားရှိ နမ့်တွန်ကျေးရွာတွင် စစ်ကူလာပေးသည့် စစ်ကောင်စီ စစ်ကား ၄ စီးကို တအာင်းတပ်မတော် PSLF/ TNLA မှ ထိုးစစ်ဆင်သိမ်းပိုက်နိုင်ခဲ့ကြောင်း ထုတ်ပြန်ချက်တွင်ပါ ရှိသည်။
ထိုစခန်းမှ လက်နက် ၂ လက် နှင့် စစ်အသုံးအဆောင်ပစ္စည်းများလည်း ရရှိခဲ့သည်ကြောင်း တွေ့ရသည်။
လက်ရှိတွင် ၁၀၂၇ စစ်ဆင်ရေးတွင် ပူးပေါင်းတိုက်ပွဲဝင်နေသည့် ညီနောင်မဟာမိတ် ၃ ဖွဲ့ အပါအဝင် တစ်ခြားမဟာမိတ်များ နှင့် ကလေးမြို့နယ် ကလေး-တမူးလမ်း တောင်ကြားများတွင် တိုက်ပွဲပြင်းထန် နေသည်ဟု သိရသည်။