AB News – ဧပြီ ၂၈၊ ၂၀၂၅
စစ်ကောင်စီထိန်းချုပ်ထားဆဲဖြစ်သည့် စစ်တွေမြို့၊ ရွှေပြည်သာရပ်ကွက်တွင် နေအိမ်တချို့ မီးလောင်ပျက်စီးနေကြောင်း ဒေသခံများ ပြောကြားချက်အရ သိရသည်။
စစ်တွေမြို့နယ်တွင် အာရက္ခတပ်တော်နှင့် စစ်ကောင်စီတပ်တို့ ထိတွေ့တိုက်ခိုက်မှုများရှိသောကြောင့် ၎င်းရပ်ကွက်များတွင် ပြည်သူများ မနေထိုင်တော့ဘဲ စစ်ကောင်စီတပ်သားများသာ တပ်စွဲထားကြောင်း စစ်တွေမြို့ခံတစ်ဦးက ဆိုသည်။
“အဲရပ်ကွက်တွေမှာ မြို့ခံတွေ မနေကြ တော့ဘူး။ စစ်ကောင်စီတပ်သားတွေ တပ်စွဲနေတာပါ။ ဘယ်သူက မီးရှို့တာလဲ ဆိုတာတော့ ကျနော်လည်းမတိအကျမသိပါဘူး” ဟု သူက ဆိုသည်။
ရွှေပြည်သာရပ်ကွက်အနီးတွင် စစ်ကောင်စီ၏ ရွှေမင်းဂံရေတပ်စခန်းတည်ရှိပြီး ထိုနေရာမှ အနီးအနားရှိ ကျေးရွာများကို လက်နက်ကြီး ရမ်းသန်းပစ်ခတ်မှုများ နေ့စဥ်ပြုလုပ်နေကြောင်း သိရသည်။
ထို့အပြင် စစ်ကောင်စီက စစ်တွေမြို့အနီးအနားဝန်းကျင်တွင်ရှိ ပြည်သူများနေထိုင်သည့် ကျေးရွာ များကို လေကြောင်းအသုံးပြုပြီး ဂျက်ဖိုက်တာများအပြင် ဒရုန်းများနှင့် လေကြောင်းဗုံးကြဲမှုများလည်း ပြုလုပ်နေသောကြောင့် ပြည်သူများ ထိခိုက်၊ သေဆုံးမှုများလည်း မြင့်တက်နေသည်ကို တွေ့ရှိရသည်။