ABN-မေအိအိအောင်
စစ်ကိုင်းတိုင်း၊ ခင်ဦးမြို့နယ်တွင် စစ်ကျန်လက်နက်ကြီးကျည် ပေါက်ကွဲ၍ အသက် ၁၀ နှစ်ကျော် ကလေးတစ်ဦးသေဆုံးသွားကြောင်း ဒေသတွင်းသတင်းများအရ သိရသည်။
သေဆုံးသူမှာ ခင်ဦးမြို့နယ်၊ အလယ်လျှိုကျေးရွာမှ အသက် ၁၂ နှစ်အရွယ် မောင်ချစ်ရင်ထူးဖြစ်ပြီး ယမန်နေ့ မတ်လ ၅ရက် မွန်းလွဲ ၂ နာရီခန့်တွင် လက်နက်ကြီးပေါက်ကွဲ၍ ပွဲချင်းပြီးသေဆုံးကြောင်းသိရသည်။
သေဆုံးသွားသည့် မောင်ချစ်ရင်ထူးမှာ နွားကျောင်းနေစဉ် တောတွင်းတစ်နေရာ၌ မပေါက်သေးသည့် ၇၉ လက်နက်ကြီးကျည်ဖူးကိုကောက်ယူခဲ့ပြီး ၎င်းလက်နက်ကြီးကို အုတ်ကန်ပေါ်တင်ထားစဉ် ပြုတ်ကျပြီးပေါက်ကွဲခဲ့ကြောင်းသိရသည်။
ပြီးခဲ့သည့် မတ်လ ၃ ရက်နေ့ကလည်း စစ်ကိုင်းတိုင်း၊ ချောင်းဦးမြို့နယ်၊ ခင်မွန်ကျေးရွာ၌ စစ်ကောင်စီကပစ်သည့် လက်နက်ကြီးကျည်ထိမှန်ပြီး အသက် ၅၀ အရွယ် စစ်ရှောင်အမျိုးသမီး ဒေါ်မကြည်ဆန်း နှင့် အသက် ၁၃ နှစ်အရွယ် ကလေးတစ်ဦးသေဆုံးခဲ့သည်။
