AB News – ဧပြီ ၁၊ ၂၀၂၅
ငလျင်ဒဏ်သင့် ကယ်ဆယ်ရေးလုပ်ငန်းများ အမြန်ဆုံး ထိရောက်စွာ ဆောင်ရွက်နိုင်ရန်အတွက် ညီနောင်မဟာမိတ် ၃ ဖွဲ့က မိမိတို့နှင့် စစ်ကောင်စီတို့ တိုက်ပွဲဖြစ်ပွားနေသည့် နေရာများတွင် ထိုးစစ်များ မပြုလုပ်ဘဲ တစ်လတာ တစ်ဖက်သတ် အပစ်ရပ်ကြောင်း ယနေ့တွင် ထုတ်ပြန်လိုက်သည်။
ထုတ်ပြန်ချက်အရ ဧပြီလ ၁ ရက်နေ့မှ ဧပြီလ ၃၀ ရက်နေ့အထိ တစ်လတာ အပစ်ရပ်မည်ဖြစ်ပြီး၊ မိမိကိုယ်ကို ခုခံကာကွယ်သည့် တုံ့ပြန်မှုမျိုးမှလွဲ၍ ထိုးစစ်ဆင် တိုက်ခိုက်မှုများ ပြုလုပ်မည်မဟုတ်ကြောင်း ဆိုထားသည်။