ABN-ထက်မြတ်ခင်
အောက်တိုဘာ ၂၄ရက်
စစ်ကောင်စီတပ်မှ ပစ်ခတ်လိုက်သည့် လက်နက်ကြီး ကျရောက်ပေါက်ကွဲမှုကြောင့် ဒီမော့ဆိုမြို့နယ်ရှိ စစ်ဘေးရှောင်စခန်းမှ မွေးကင်းစကလေးငယ်တစ်ဦး သွေးလန့် သေဆုံးခဲ့ကြောင်း ဒေသတွင်း သတင်းများအရသိရသည်။
လွိုင်ကော်အမြောက်တပ်နှင့် ဒီမော့ဆိုအခြေစိုက် စစ်ကောင်စီတပ်ရင်းမှ ပြီးခဲ့သည့် အောက်တိုဘာ တတိယအပတ်အတွင်းလက်နက်ကြီး အဆက်မပြတ် ပစ်ခတ်မှုကြောင့် ၇ ရက်သား မွေးကင်းစ ကလေးငယ်တစ်ဦးသေဆုံးခဲ့ကြောင်းသိရသည်။
လက်နက်ကြီးကြောင့် သေဆုံးသွားသည့် မွေးကင်းစကလေးငယ်ကို မြေမြှုပ်သဂြိုဟ်ပြီး မိဘဖြစ်များကိုလည်း ဘေးလွတ်ရာသို့ ရွေ့ပြောင်းထားကြောင်းသိရသည်။
ကယားပြည်နယ်အတွင်း၌ စစ်ကောင်စီမှ လက်နက်ကြီးပစ်ခတ်မှုကြောင့် ကလေးငယ် ၁၀ကျော်သေဆုံးသွားပြီဖြစ်ကြောင်းသိရသည်။