AB News – ဇန်နဝါရီ ၁၄၊ ၂၀၂၄
ရက္ခိုင်ပြည်၊ မြောက်ဦးမြိုတွင် အကြမ်းဖက်စစ်ကောင်စီအဖွဲက လက်နက်ကြီးများဖြင့်ပစ်ခတ်ခဲ့မှုကြောင့် ပညာနန်းရိပ် ကိုယ်ပိုင်အထက်တန်းကျောင်း မီးလောင်းသွားသည်ဟု သိရသည်။
ယနေ့ ဇန်နဝါရီလ ၁၄ ရက်၊ နေ့လည် ၁၂ နာရီကျော်တွင် အကြမ်းဖက်စစ်ကောင်စီအဖွဲက လက်နက်ကြီး ၅ ကြိမ်ထက်မနည်းပစ်ခတ်ခဲ့ရာ ၎င်းကျောင်းသို ကျရောက်ပေါက်ကွဲခဲ့ပြီး မီးလောင်သွားကြောင်း ဒေသခံ တစ်ဦးက AB News သိုပြောသည်။
“စကစ တွေက လက်နက်ကြီးတွေနဲ့ ပစ်ခတ်တယ်၊ အဲ့ဒီကျောင်းမှာ ၁ လုံးပေါက်ကွဲသွားတယ်၊ မှန်ပြတင်းပေါက်တွေ ကွဲထွက်သွားပြီး အခန်းထဲမှာလည်း မီးလောင်နေတယ်” ဟုဆိုသည်။
အကြမ်းဖက်စစ်ကောင်စီ အဖွဲသည် မြောက်ဦးမြိုသို လက်နက်ကြီးများဖြင့် တရစပ်ပစ်ခတ်နေသည့်အတွက် ဒေသခံပြည်သူများလည်း ဗုံးခိုကျင်းထဲတွင် ဝပ်နေရကြောင်း သိရသည်။
ထိုအပြင် ယနေ့ ဇန်နဝါရီလ ၁၄ ရက် နေ့လည် ၁၂ နာရီကျော်တွင်လည်း မင်းပြားမြိုမြစ်တစ်လျှောက်တွင်ရှိသော စကစ ရေတပ်နေဗီများက လက်နက်ကြီးလှမ်းပစ်မှုကြောင့် မြိုခံ ၄ ဦးဒဏ်ရာရရှိခဲ့ကာ အိမ် ၂ ဆောင် မီးလောင်ကျွမ်းခဲ့ရသည်။
လက်ရှိ မြောက်ဦးတွင် ရက္ခိုင်ပြည်သူများကို နှစ်ရှည်လများဒုက္ခပေးနေသော စစ်ကောင်စီ လက်အောက်ခံ တပ်စခန်းများကို ရက္ခိုင့်တပ်တော်က ထိုးစစ်ဆင်တိုက်ခိုက်လျက်ရှိသည့်အပြင် ကန်ဇောက်အခြေစိုက် တပ်မတိုကိုလည်း အပြီးသတ် သိမ်းပိုက်နိုင်ရန် ကြိုးစားလျက်ရှိသည်။