AB News-သြဂုတ် ၈၊ ၂၀၂၄
မောင်တောမြို့အတွင်း စစ်ကေင်စီတပ်က လူသားဒိုင်းကာအဖြစ် ပိတ်လှောင်ခံထားသည့် မူဆလင်ပြည်သူ ၄၀၀၀ ကျော်တို့အား အာရက္ခတပ်တော် AA က ယမန်နေ့ သြဂုတ်လ ၇ ရက်နေ့က ကယ်ထုတ်နိုင်ခဲ့ကြောင်း သတင်းရရှိသည်။
မောင်တောမြို့တွင်းတွင် စစ်ကောင်စီတပ်နှင့် အပေါင်းအပါ မူဆလင်လက်နက်ကိုင်အဖွဲ့အစည်းများ၏ လူသားဒိုင်းကာအဖြစ် မြို့ခံ မူဆလင်ပြည်သူများ၊ ရက္ခိုင်များနှင့် တစ်ခြားသော မျိုးနွယ်စုဝင်များသည် မြို့အတွင်း ပိတ်လှောင်ခံထားရခြင်းဖြစ်သည်။
အကြမ်းဖက် စစ်ကောင်စီနှင့်အဖွဲ့များသည် မောင်တောမြို့ရှိ အဝင်/အထွက် ဂိတ်ပေါက်နေရာများ အားလုံးအား အင်အား အလုံးအရင်းဖြင့် ပိတ်ဆို့ထားခဲ့ခြင်းဖြစ်ပြီး ယမန်နေ့ သြဂုတ်လ ၇ ရက်နေ့က အာရက္ခတပ်တော်က မြို့တွင်းသို့ ဝင်ရောက်ပြီး ပိတ်မိနေသည့် ပြည်သူများထဲမှ အချို့ကို ဘေးကင်းလုံခြုံစွာ ကယ်ထုတ်နိုင်ခဲ့ကြောင်း ခိုင်လုံသတင်းရင်းမြစ်များအရ သိရသည်။
AA ကယ်ထုတ်လာနိုင်ခဲ့သည့် ပြည်သူများအား ၎င်းထိမ်းချုပ်ထားသည့် ဘေးကင်းလုံခြုံသည့် နေရာတွင် နေရာချထားပေးပြီး လိုအပ်သည့် စာနပ်ရိက္ခာ ကျန်းမာရေ စောင့်ရှောက်မှုများကို ကူညီပေးထားလျက်ရှိကြောင်းလည်း သိရသည်။