သတင်းမီဒီယာ - ရခိုင် ၊ အာရကန် ၊ အာရက္ခ

Generic selectors
Exact matches only
Search in title
Search in content
Post Type Selectors
မောင်တောမြို့နယ် ၃ မိုင်တွင် ပြည်သူ ၂ ဦးကို စစ်ကောင်စီတပ်သားများက ဖမ်းဆီးသတ်ဖြတ် 
စစ်ကောင်စီ၏ ဖမ်းဆီးသတ်ဖြတ်ခြင်းကို ခံခဲ့ရသည့် သံလုံး အားတွေ့ရစဥ်

ရက္ခိုင်ပြည်၊ မောင်တောမြို့နယ်  ၃ မိုင်တွင် စစ်ကောင်စီတပ်သားများက ဒေသခံပြည်သူ ၂ ဦးကို ဖမ်းဆီးသတ်ဖြတ်ခဲ့ကြောင်း သတင်းရရှိသည်။

ဖမ်းဆီးသတ်ဖြတ်ခံရသူများမှာ မောင်တောမြို့နယ်၊ ချီးရားတန်း ကျေးရွာမှ အဖ မောင်သာထွန်း၏သား အသက် ၄၅ နှစ်အရွယ် သံလုံး နှင့် ရွာသာယာကျေးရွာမှ အသက် ၃၂ နှစ်အရွယ် မောင်စိုးဖြစ်ကြောင်း သိရသည်။

၎င်းတို့ ၂ ဦးသည် ယမန်နေ့ မေလ ၉ ရက် နေ့လည် ၁ နာရီတွင် ( CZI- 125) Canda အမျိုးအစား ဆိုင်ကယ် အနီရောင်တစ်စီးဖြင့် ရွာသာယာမှ ၃ မိုင်းဖက်သို့ သွားစဥ် စစ်ကောင်စီက ဖမ်းဆီးသတ်ဖြတ်လိုက်ကြောင်း ဒေသခံတစ်ဦးက AB News သို့ပြောသည်။

“မနေ့က ၁ နာရီ လောက်မှာပါ။ Canda ဆိုင်ကယ်တစ်စီးနဲ့ ၃ မိုင်ဖက်ကို သွားတယ်။ စစ်ကောင်စီက ဖမ်းဆီး​ပြီး သေနတ်နဲ့ပစ်သတ်လိုက်တယ်” ဟုဆိုသည်။

၎င်းတို့အား သတ်ဖြတ်စဥ် အကြမ်းဖက် စစ်ကောင်စီနှင့် အစွန်းရောက်ဘင်္ဂလီများပါဝင်သည်ဟု ဒေသခံများထံမှသိရသည်။

စစ်ကောင်စီသည် ၎င်းဒေသခံရွာသား ၂ ဦးအား မည်သည့်အတွက်ကြောင့် ဖမ်းဆီးသတ်ဖြတ်သည်ကိုကား မသိရှိရပေ။

ပြီးခဲ့သည့် မေလ ၉ ရက်၊  နံနက် ၅နာရီခန့်အချိန်လည်း မောင်တောမြို့နယ်ရှိ ရွှေရင်အေးရွာကို  မြို့သူကြီး နခခ ၅မှ စစ်ကောင်စီ-စစ်သွေးကြွ ဘင်္ဂလီမူဆလင် ပူးပေါင်းအဖွဲ့မှ မီးရှို့ခဲ့ကြောင်း သိရသည်။

အလားတူ မေလ ၇ ရက်နေ့တွင်လည်း မောင်တောမြို့ရှိ  ဝေသာလီရပ်ကွက်ကို စစ်ကောင်စီအဖွဲ့နှင့် စစ်သွေးကြွ ဘင်္ဂလီမူဆလင်များ ဝင်ရောက်ကာ နေအိမ်များကို  မီးရှိခဲ့ပြီး လက်နက်ငယ်များ ပစ်ခတ်မှုကြောင့် မိခင်ဖြစ်သူ သေဆုံးခဲ့ရကာ သားဖြစ်သူနှင့် သမီးဖြစ်သူလည်း ဒဏ်ရာ ပြင်းထန်စွာ ရရှိခဲ့ကြောင်း တွေ့ရသည်။

ထင်မြင်ယူဆချက်‌‌ပေးရန်

ဆက်စပ်သတင်းများ
By proceeding you understand and give your consent that your IP address and browser information might be processed by the security plugins installed on this site.
×