AB News – အောက်တိုဘာ ၃၁ ၊ ၂၀၂၅
ဆိုဖီ
မန္တလေးတိုင်း ၊ မတ္တရာမြို့နယ် ၊ တံငါရွာအား စစ်ကော်မရှင်က တိုက်လေယာဥ် ၂ စီးဖြင့် ဗုံးကြဲတိုက်ခိုက်ခဲ့ကြောင်း သိရသည်။
ယနေ့ အောက်တိုဘာ ၃၁ ရက် မနက်ပိုင်းတွင် ဂျက်ဖိုက်တာ ၂ စီး မှ လေကြောင်းတိုက်ခိုက်ခဲ့ခြင်းဖြစ်ပြီး ၊ ပထမ တစ်စီး က ၂ ကြိမ်၊ ဒုတိယ တစ်စီးက ၃ ကြိမ်ဖြင့် စုစုပေါင်း ၅ ကြိမ် ဗုံးကြဲတိုက်ခိုက်ခဲ့ကြောင်း သိရသည်။
ထိုခိုက်သေဆုံးမှု အသေးစိတ် အချက်အလက် အသေးစိတ်များကိုမူ မသိရသေးပေ။
အလားတူ မတ္တရာမြို့နယ် မြောက်ခြမ်းရှိ တံငါတောင်ရွာတွင် ရောက်ရှိနေသော အကြမ်းဖက် စစ်မကော်မရှင်မှ အောက်တိုဘာ ၂၉ ရက်အတွင်း အနီးအနားရှိ ရွာငယ်များအား ယမ်းသန်းပစ်ခတ်မှုများပြုလုပ်ခြင်းကြောင့် ဒေသခံများ ဘေးလွတ်ရာသို့ ထွက်ပြေးတိမ်ရှောင်ခဲ့ရကြောင်း သိရသည်။
အမျိုးသား ညီညွတ်ရေးအစိုးရ (NUG) က စက်တင်ဘာလအတွင်း အကြမ်းဖက် စစ်မကော်မရှင်မှ မြန်မာနိုင်ငံ အနှံ့ လေကြောင်း တိုက်ခိုက်မှု ၁၈၇ ကြိမ် ပြုလုပ်ထားပြီး ၁၅၈ ဦး သေဆုံးကြောင်း ထုတ်ပြန်ထားသည်။