AB News ဒီဇင်ဘာ ၁၉ ၊ ၂၀၂၅
ဖြိုးသီရိနိုင်
Facebook၊ Twitch၊ You Tube နှင့် Mediafire တို့သည် စစ်တပ် မှ ဝါဒဖြန့်ချီရေးအတွက် အသုံးပြုနေသော အကောင့်များကို အင်တာနက် ပလက်ဖောင်းမှ ဖယ်ရှားလိုက်ကြောင်း Justice For Myanmar ယမန်နေ့ ဒီဇင်ဘာ ၁၈ရက်နေ့တွင် သတင်းထုတ်ပြန်ခဲ့သည်။
Justice For Myanmar မှ နည်းပညာကုမ္ပဏီ များထံ စာရေးသားပေးပို့၍ အဆိုပါ ဝါဒဖြန့် အကောင့်များအား ပိတ်ရန်အတွက် ထုတ်ကုန်နှင့် ဝန်ဆောင်မှုများဆက်လက်ပံ့ပိုးမှုပေးအပ်ခြင်းအပေါ် ဒဏ်ခတ်ပိတ်ဆို့ မှုများအနေဖြင့် စစ်အုပ်စုထိန်းချုပ် ဝါဒဖြန့် အကောင့်များကို ဖြုတ်ချလိုက်ခြင်းဖြစ်ကြောင်းသိရသည်။
စစ်ကော်မရှင်၏ တိုက်ရိုက်ထုတ်လွှင့်နေသောမြန်မာအသံ၊ ရုပ်မြင်သံကြား(MRTV) နှင့် မြန်မာ့ရေဒီယ်ိုလိုင်း ၁၄ခု အပြင် MlTV ဝဘ်ဆိုဒ်တွင်တွဲထားသည့် MlTV တိုက်ရိုက်ရုပ်သံထုတ်လွှင့်မှုများကို Amazon ပိုင်ဗွီဒီယိုပလက်ဖောင်း Twitch က ဖယ်ရှားခဲ့သည်။
ထို့နောက်စစ်ကောင်စီသည် အကောင့်သစ်များဖန်တီးပြီး တိုက်ရိုက်ရုပ်သံလွှင့်မှုကိုကို ဆက်လက်လုပ်ဆောင်ခြင်းအပေါ် Justice For Myanmar ၏တောင်းဆိုမှုဖြင့် ဆက်လက် ပိတ်သိမ်းခဲ့ကြောင်း JFM မှ ဆိုထားသည်။
၎င်းအပြင် Twitch ၏ အင်္ဂလိပ်ဘာသာဖြင့် ထုတ်လွှင့်သော စစ်တပ် ထိန်းချုပ် ထားသည့် MITV ဝဘ်ဆိုဒ်တွင် တွဲတင် ထားသည့် MITV တိုက်ရိုက် ရုပ်သံထုတ်လွှင့်မှုမျယးက်ို ဖယ်ရှားခဲ့ကြောင်း Justice For Myanmar မှ အသ်ိပေးထားသည်။
Media Fire ဝဘ်ဆိုဒ် တွင်လည်း ရတနာပုံသတင်းစာ၏ အကောင့်များကို ဖျက်သိမ်းခဲ့ပြီး လက်ရှိတွင် စစ်ကောင်၏ ဆိုရှယ်မီဒီယာ အကောင့်နှင့် စာမျက်နှာ ပေါင်း ၄၀၄ခု ဖယ်ရှားခံလိုက်ရကြောင့် ထုတ်ပြန်ချက်တွင် ဖော်ပြထားသည်။
သို့သော် Alphabet Google၊ Apple၊ Tik Tok၊ Telegram၊ Cloudflare နှင့် ApkPure တို့ကို စာရေးသားပေးပို့ခဲ့သော်လည်း အရေးယူဆောင်ရွက်ခြင်းမရှိသေးကြောင်း JFM ကဆိုထားသည်။
စစ်ကောင်စီ၏ ဝါဒဖြန့်အကောင့်များ ဖျက်သိမ်းလိုက်ခြင်းသည် မြန်မာပြည်သူလူထု၊ နိုင်ငံတကာ ပြည်သူလူထုနှင့် နိုင်ငံတကာပြည်သူများထံ ဝါဒဖြန့်ဝေသည့် စစ်ကောင်စီ၏ စွမ်းရည်ကို ဟန့်တားရန်အတွက် အရေးပါကြောင်း JFMမှ ဆိုထားသည်။
Justice For Myanmar က တိုင်ကြားခဲ့သည့် စစ်ကောင်စီ အကောင့်များအား အမေရိကန် ပြည်ထောင်စု၊ ယူကေ ၊အီးယူ၊ ကနေဒါနှင့် သြစတြေးလျအပါအဝင် နိုင်ငံများက ဒဏ်ခတ်ပိတ်ဆို့မှုခံထားရသည့် လူပုဂ္ဂိုလ်များနှင့် အဖွဲ့အစည်းများက ထိန်းချုပ်ထားကြောင်းလည်းထုတ်ပြန်ချက်တွင် ဖော်ပြထားသည်။
မြန်မာစစ်အုပ်စုသည် ဒီဇင်ဘာလနှင့် ဇန်နဝါရီတွင် ကျင်းပရန် စီစဥ်ထားသည့် အတုယောင်ရွေးကောက်ပွဲမတိုင်မီ ဝါဒမှိုင်းများ နှင့် သတင်းမှားများဖြန့်ချီရေး ကြိုးပမ်းမှုများကို အရှိန်မြှင့်လုပ်ဆောင်လျှက်ရှိကြောင်း JFM မှ ဆိုထားသည်။