AB News – ဇူလိုင် ၁၁၊ ၂၀၂၅
ဒေဝီ
စစ်ကိုင်းမြို့နယ်၊ လင်တလူးကျေးရွာရှိ ဘုန်းကြီးကျောင်းတစ်ကျောင်း လေကြောင်းမှ ဗုံးကြဲတိုက်ခိုက်ခံရမှုကြောင့် ဘုန်းကြီးကျောင်းတွင် ခိုလှုံနေသည့် စစ်ဘေးရှောင်ပြည်သူ ၂၈ ဦး သေဆုံးခဲ့ပြီး ဒဏ်ရာရသူအများအပြား ရှိခဲ့ကြောင်း သိရသည်။
ဖြစ်စဉ်မှာ ဇူလိုင်လ ၁၁ ရက်နေ့၊ နံနက် ၁၂ နာရီမှ ၁ နာရီအကြားတွင် စစ်ကောင်စီက လေယာဉ်ဖြင့် နှစ်ကြိမ်တိုင်တိုင် ဗုံးကြဲတိုက်ခိုက်ခဲ့ခြင်းဖြစ်သည်။
သေဆုံးသူ စစ်ဘေးရှောင်အများစုမှာ ကျော်ဇေယျကျေးရွာမှ လာရောက်ခိုလှုံသူများ ဖြစ်နိုင်ကြောင်း သိရသည်။
လက်ရှိတွင် ဘုန်းကြီးကျောင်း၌ ကယ်ဆယ်ရေးလုပ်ငန်းများ ဆောင်ရွက်နေကြသော်လည်း ထပ်မံဗုံးကြဲခံရမည့်ကို စစ်ဘေးရှောင်များ စိုးရိမ်နေကြရသည်။
ထို့အပြင် ဒဏ်ရာရရှိသူများအတွက် ဆေးဝါးနှင့် ကျန်းမာရေးစောင့်ရှောက်မှုပေးနိုင်သည့် ဆရာဝန်၊ သူနာပြုများ အရေးတကြီး လိုအပ်နေကြောင်းလည်း သိရသည်။